اسحاق نيوټن او د هغه د حرکت درې قوانين
آیا تاسو اسحاق نيوټن پیژني؟ اسحاق نيوټن د تاریخ د سترو ساينسپوهانو او رياضي پوهانوڅخه دی. دی د ۱۶۴۳ ميلادي کال د ډسمبر پر ۲۵مه نيټه په انګلستان کې زيږيدلی وو او ۸۵ کاله عمر درلود. په کالج کې د زده کړې پر مهال يې له ریاضي، فزيک او ستورپوهنې سره مينه پیدا شوه. هغه د ليسانس او ماسټرۍ دواړه درجې ترلاسه کړې. نيوټن د حرکت په اړه نوې نظريې درلودې چې هغه يې د حرکت اړه خپل درې ګوني قوانين بلل. د نيوټن نظريات دومره په زړه پورې وو چې د انګلستان ملکې ان Anne، په ۱۷۰۵ ميلادي کال کې د نايټ Knight لقب ورکړ. د حرکت په اړه د نيوټن درې قانون په لاندی ډول دی. لومړی: هر جسم که د سکون او يا د يوه ټاکلي مسير پر لور د يو نواخت حرکت په حال کې وي، په هماغه حال پاتې کيږي، مګر دا چې د يوې بې کچه قوې د عمل په نتيجه کې يې حالت بدلون وکړي. دوهم: سرعت هغه وخت رامنځته کيږي چې يوه قوه پر يوې کتلې عمل وکړي. هر څومره چې کتله لويه وي د سرعت ورکولو لپاره يې هومره زيات مقدار قوه پکار ده. دریم: هر عمل مساوي عکس العمل لري چې په مخالف جهت کې يې رامنځته کيږي. د دی دریو قوانینو د تشریح او د لا زیاتو معلوماتو لپاره لاندنی ضمیمه شوی فایل را ښکته (ډاونلوډ) کړی او ویی لولي.
Comments
0 comment(s) so far
Please login to add comments.