د مینې څلوېښت اصول د نړۍ له هغو ادبي شهکارونو څخه دي چې د فرانسوي لیکوالې الیف شافاک اثر دی، الیف شافاک په خټه ترکي او د ترکیې د فمینستي لیکوالو څخه شمېرل کېږي. یاد کتاب د دې لیکوالې د نورو کتابونو په نسبت تر ټولو( له سلو زرو ډېرې نسخې)  پلورل شوی او د خلکو د پام وړ ګرځېدلی دی، چې د عرفاني او صوفیزم پر پایه ولا دی چې په ټولیز ډول په دیارلسمې پېړۍ د شمس تبریزي او مولانا جلال الدین محمد بلخي ترمنځ شوي ملاقات ښکاره کوي او بله برخه هم شتون لري چې د دیارلسمې پېړۍ واقعات په دغه برخه تړلي ښودلي او یوه ښځه ښکاره کوي چې په ژوند کې یوه اندازه فکري ستونزو سره مخ ده. د کتاب عمومي محتوا د شمس تبریز د مینې په هغه څوېښت اصولو باندې څرخي چې د الله د رسېدلو او د یوه دروېش په څېر د ژوند کولو لپاره وړاندې  کړي او ترڅنګ یې ځینې ټکي هم شته چې شافاک د خپل غربي فکر په اساس لیکلي تحلیل کړي خو د اسلام له فرهنګ سره په تکر کې واقع شوی دي.