بو قیزیق حکایه ده بیر کمپیر بیرینچی دفعه بیر بورگوت بیلن دوچ کېله دی. اونینگ تنیلمه گن چهره سیگه حیران قالیب، بیر قوش قنده ی بۉلیشی باره سیده اۉز توشونچه سیگه موافق اونی اۉزگرتیریشگه تصمیم آله دی. اونینگ کوششلری انسانلرنینگ عادتده گی بیر تفکر طرزینی عکس اېتتیره دی: ناتنیش نرسه قبول قیلینماغی اوچون اۉزگرتیریلیشی کېره ک. بو قصه نینگ بیر شکلی بوندن یېتّی یوز ییل آلدین یشب، وفات اېتگن دری تیلی شاعری مولانا جلال الدین محمد بلخی-رومی مثنویسیده هم کېلگن. قصه نینگ حاضرگی شکلی افغانستانلیک یازووچی ادریس شاه طرفیدن باله لر اوچون مخصوص شکلده (پشتو و دری تیللرده) بیان اېتیلگن. ادریس شاه ییگیرمه ییلدن کۉپ مدتدیر که خلق قصه لرینی افغانستان، مرکزی آسیا و اۉرته شرق نینگ شفاهی و یازوولی منبعلریدن ییغیب کېلماقده دیر.