اکسیټوسین هغه هورمون دی چې په هیپوټالاموس کې تولیدیږي او د هیپوفیز غدې له لارې خوشې کیږي. دا هورمون د ټولنیزو اړیکو، زېږون، د شیدو ورکولو او د ارامۍ په برخه کې ارزښتناکه رول لري. اډرینالین د اکسیټوسین پر خلاف بدن د جګرې یا تېښتې لپاره چمتو کوي خو اکسیټوسین د آرمتیا او ټولنیزې اړیکې لامل ګرځي. اکسیټوسین د بدن او دماغ په ډېرو فعالیتونو لکه: ټولنیز چلند، خواخوږي، ښېګڼه، ماشوم باندې د مور پاملرنې او حتې د فشار تنظیمولو کې ژوره اغېزه لري. له دې سره سره، دا هورمون زیاتره د خپلې ډلې دننه اړیکې پیاوړې کوي چې ځينې وختونه د بهرنیو کسانو پر وړاندې توپیري چلند یا تعصب رامنځته کولی شي. اکسیټوسین هورمون ویدیو کلیپ د ښوونکو لپاره انتقادي او نوښتګر تفکر د درسي موادو یوه برخه ده، چې د درخت دانش اکادمۍ لخوا چمتو شوې او په وړیا توګه وړاندې کېږي. درخت دانش اکادمۍ شل وړیا کورسونه په فارسي، پښتو او انګلیسي ژبو چمتو کړي او په خپل پلاتفورم کې یې خپاره کړي دي. د دې کورسونو ته د لاسرسي لپاره زموږ ویب پاڼې ته لاړ شئ: پیرامون این منبع
نوع منبع
مترجم
وژمه فتحی
ناشر
جواز/مجوز
CC BY 4.0
