باله‌لرنینگ کۉرینیشی تیم – تینیق و مصفا بۉلگنی سینگری اولرنینگ فکری و توشونچه‌سی هم خودی شونده‌ی بی‌غبار. بولرنینگ ذهنینی، فکر و توشونچه‌سینی اۉستدیریش‌نینگ یگانه یۉلی هم اونینگ سویه‌سیگه ماس اېرتک کتابلرنی تیارلب بېریش بیلن ممکن، البته.

انه شو آماج اساسیده گهواره گروهی باله‌لریمیزنینگ کېله‌جگینی هر تامانلمه توشینگن حالده، بولرگه تورلی خیل مضمون و محتواگه اېگه اېرتک کتابلرنی تیارلب بېریشگه اولگوره‌دی.

یقین اۉتگن کونلرده «کاکا مراد» و «رنگلی بلیقچه» ناملی کتابلریمیزنینگ پی‌دی‌اف شکلی سایتیمیز همده فیس‌بوک آدرسیمیز آرقه‌لی باله‌لر خدمتیگه قۉییلدی.

منه خداگه شکر «قیزغنچلیک میکروبی» آتلی کتابیمیزنینگ هم پی‌دی‌اف شکلی اختیارینگیزگه قۉییلدی. التماس، کتابلریمیزنی دانلود قیلیب باله‌لرینگیزگه اۉقیب بېرسنگیز، بو یۉلده آلیب باریلگن محنتیمیزگه بها بېرگن بۉله‌سیز.