زياتره خلک د کورني موږک او سارايي موږک توپير نشي کولی.

کورني او سارايي موږکان د تي لرونکو ژوو يوې ډلې پورې اړه لري چې ژونکي Rodent ورته وايي. دوی دواړه لکۍ او د ژوولو لپاره څلور وړاندینۍ داړې لري.‌ خو سارايي موږکان له کورنیو موږکانو په جسامت کې لوی دي. اکثره سارايي موږګان له لکې پرته اته اينچه اوږدوالي پورې وده کوي. کورني موږکان يوازې څلور اينچه په اوږدوالي وده کوي.‌ د سارايي موږکانو برخلاف کورني موږکان په وحش کې یوازې يو کال ژوند کولی شي خو سارايي موږکان د څو کلونو لپاره ژوند کوي.‌ که له يو کورني موږ سره مخامخ شئ معمولا تيښته کوي. خو سارايي خيز وهي او حمله کوي‌ څو ځان  ته لار وباسي. کورني او سارايي موږکان د ورځې په رڼا کې ډیر لږ ليدل کیږي.‌ دواړه معمولا د شپې له خوا راوزي.

د دی موضوع په اړه د لازیاتو معلوماتو لپاره لاندنې ضمیمه شوی فایل راښکته کړئ او ویی لولئ.