یم قصه ڎو پادښاه پُڅ ات ویڤ تقدیر باره یند. ووښیار شهزاده ته وَم سپنن مایی ات وَم حیروْنگی ره کارېن چاست ات از وَم ته خُات خو مردم ارد فایده زێزد ات وی ڤراد تنبل وی ڎارگند ڤارجک تی لپ علاقه مند، وی یی یو بیچاره نجار څه تێښت. یو جادویی ڤارجک، یو ته سواری یێست، اگه هر تٲم از دل صدق خو هدف تی څه تیزد. یی میٿ تبل شهزاده خو جادویی ڤارجک قتی بېد. پیښ از پی خو هدف فریپتاو، یو لپ وختېنند نڤُد ات لپ جالب سرگذشتېنی تېر چوږج. یَم قصه مس ییو از قصه ېن ملی ادی ادریس شاه یی مم جٲم څه چوږج. مٲڎ قصه ېن ته نه تنها ساعت تېر کنېن، مٲڎ ته فکر، ځُلکېن ووښ ات جووْنېن فکری ته قوی کنېن. مٲش ارد ته کوْمک کنېن بېښدی خو باره یند فٲمم. خو زنده گی باره یند ات خو حواس ات فکرند.