نه ديو مرکوعا پره جیک اسه، کشول مرکوع چمه مښ آومڅں ايپاتی ډربوں بتات جی یا بګول کں اره وار سکال کوتاسی، ام وکں اوتا وار بدویی اوعا، بعاس ډنګور مرکوع. پن عاداو اوشوپ اساده داوکره ایپسی پټ کعسی. لی زعله اسی. اینه کټیر وار وای اوشوپ اسی. ایکی نشیله صادق بیبا ستهٔ امو بزره وریئں تں پعواڅی. اګر جار ډنګور مرکوع اموسته کټیروار وای اوشوپ مع پیس با. بلیوک بدرګں ول کں بدیوع با. اموسته تلول تں پعاعویک پلکه پمو اڅع ویک اړ ډربوں بتات کعه. آینه افولکلوریک پره جیک اسه. افغان ستوراله ادریس شاه ابل مع ستوری سه. آمنی پره جیک پنع ډربوسته نیں بلکه پر معاکں، الا کں دی فکری کروار سکال بول کں اوت ای. امنیاں مع يا شوں، اتجبں، دمتال وار مع اوبجیک سته امکانات اچاک دی لسته کومو.