تایلندده، کاوسیونگ اسملی ییرده بیر تاغ بار، اونی «بیر یریم» دیب نامله‌یدیلر. بو اسم بیر تاغ اوچون جوده عجایب کورینه‌دی. بیراق، بو تاققه قره‌سنگیز یخشی صورتده بیلیب توریبدی که نیگه بو اسم بیلن یادلنه‌دی. بونده‌ی کورینه‌دی که بو تاغ‌نینگ یریمینی قیلیچ بیلن کیسیب آلگن بولسه‌لر. لیکن بو تاغ‌نینگ اسمی توغریسیده گپلشمسدن آلدین، بو تاغ نیگه بو اسم بیلن یادلنیش افسانه‌سینی ایتیب اوته‌یین. اوتکن و قدیم زمانلرده بو یریم تاغ بوتون تاغ ایدی. بیر قیشلاق هم اونینگ یقینیده جایلشگن ایدی. بیر کون بیر کیکسه آدم بیر کته قازاننی باشیگه ته‌شیب بو قریه‌گه کیلدی. ساچلری و سقالری قار کبی آق ایدی. یوزیده قریلرنینگ یوزی‌دیک چین و چوروکلر کوپ ایدی. اوستیده‌گی کویلک هم جوده ایسکی ایدی. او، قازاننی قریه‌نینگ تورت یولیگه قوییب، قاپقاغینی کوتردی.