يۇ دۇ شازادَگَنا اَو تېينا خېسمَتينسا خېسَي شي ۔ اونشار شازادا چېمَری مَچيس اَو اېران بېکالي ڵام کايک کی تانېک وَتَنېکا خۇشالي اَچاېک اَو جۇپېکَستا کۇچا جانېی اَنتی بۇ رۇپَي اَو مۇخام گَټېچين۔ تيس لاېی تَمبَل شازادا کېوَلا لۇړېک والا گۇړا پېلا مينا دارايک کی اېکی نَجَری جۇپېو دېوَي اَيک خۇ گۇړا جادوي اَيک ۔گۇړا تانېک سوارلَستا تانېک مَنزَلېکا پۇلېييک اَگا چۇ سوارلي سادېخ تېای۔ اي دېواس تَمبَل شازادا جادوي گۇړا پېلا نَوا، سی بۇ دۇرَړی چۇېکا پا اَو ميدی پۇړا کی تانېک لاما اَو اومېدينسا اَنتي پۇلېی بۇ اَلا اَلا ڵام کا ۔
يۇ اوتېی اولَسي خېسای کۇچای اي خېسا شي کی اَفغان لېکېکالای ادريس شای تَرَپی چۇټېن بېوي شېن۔ مېی خېسا کېوَلا يۇ نېی کی بَکار اَو جالېب شېن بَلکی مېی خېسا چَنټېنا اَو گَڼَنا دَرک اَو پېکېري مَخَراتېنسا تَشويخ کَي تا کی اَما تانېک جانېنسَن،تانېک خواستېنسَن،اېمکانَتېنسَن اَو زيندَگيستَن بَکَرېدی پينَمَن۔