احمد شاه کشولوار
احمد شاه درانی امپراطوری مم وتله اموسته معں ولتں 1772 بولی پسه ایکی امپراطوری بدشیر عثمان امپراطوری پټیاره دیو بوله مسلمان امپراطوری اسی. ایکی امپراطوری تں شترک افغانستان جی ایران چیع پاره، ترکمنستان سوعونڅلی، پنجده بن چوع پونوره ں، کشمیر ساحه جی شترک پاکستان، هندوستان چیع پاره سوپیں الی آره شامل اسی. آموستع اندوس جی تبت ستع خراسان بوتت. احمد شاه کں شترک افغانستان سته واوکوله ای. سته لی زعتی واوکوله ای پنع افغان احمدشاه قدر نکوتت ایکی اوګه ڼی وری تں ال شاعر دی اسی، ایکی مکتب ولی سی، سکال علمامښ نشيله اسی، ایکی مښ مروارتں ارګو کشول منچی نشيله اسی، امکی مذهبی مسله جی قوانین، ساینس جی شاعری وری ولله اسی، ایکی صدراعظم جی مشاورسته دایمی شورا ایپی سی، اتکی یا پتادبعا کشیر دعی دی بوتی افغانستان څنګ پلټه ګول بی سی. ور لتريئں تں ستع اینه پره جیک اکاری ورڄی ايپاته. پرمع کیوعں پګه ووشته وری وله له. اپسنی سته کنیک مشیک اوبجیک کں اوت اسه. احمد شاه درانی امپراطوری مم وتله اموسته معں ولتں
Comments
0 comment(s) so far
Please login to add comments.