منابع باز و رایگان آموزشی برای افغانستان

سپين زر يا نقره د عناصرو په دوراني جدول کې ۴۷م عنصر او سيمبول يې Ag دی. دا يو نادره عنصر دی او استخراج يې هم ستونزمن دی. له دې کبله د قيمتې فلزاتو په توګه پيژندل شوی دی. په پيړيو پيړيو سپين زر د ګاڼې، سينګار او پيسو په توګه کارول شوي دي، خو دا چې د بريښنا هادي دی او انعکاس ورکونکی خواص لري له دې کبله هم د ارزښت وړ دی.

سپين زر يو نرم فلز دی او په اساني سره کش او شکل ورکول کیږي. له دې کبله د چاقو، قاشغو او قاشغپنجو لپاره کارول کيږي. خو څرنګه چې دا فلز ډير کم دی، په دې موخه له نورو فلزاتو زياته استفاده کيږي.