العُروهُ الوُثقى مشهوره خپرونه د سید جمال‌الدین افغاني له خوا په ۱۸۸۴ ز کال کې په پاریس ښار کې خپره شوه. دغه مجله د مسلمانانو د بیدارولو، د استعمار پر ضد د مبارزې او د اسلامي نړۍ د یووالي د بلنې په موخه چاپ شوه. که څه هم د دې خپرونې عمر لنډ و او له ۱۸ ګڼو ډېرې یې خپرې نه شوې، خو بیا یې هم د اسلامي نړۍ په سیاسي اندونو او د ازادۍ غوښتونکو خوځښتونو باندې ژوره اغېزه وکړه. د افغاني «العروه الوثقى» د دین، ټولنیز پوهاوي او د استعماري واکمنۍ پر ضد د مبارزې یو سمبول ګڼل کېږي. «العروه الوثقى» د قاضي عبیدالله له خوا په پښتو ژبه وژباړل شوه او په ۱۳۵۵ هـ ش کال کې په کابل کې د پښتو ټولنې (پښتو تولنه) له خوا خپره شوه.